Los Montejos en Valverdeñu

1 Dec

Primeira web en valverdeñu, unha varianti da Fala

Casa Rural Los Montejos & Spa e desde oishi a primeira página web en interné traducía au valverdeiru/valverdeñu, unha das variantis lingüisticas que existin nu val du Xálima denominás en conjuntu ‘A Fala’.

 

Por si non u sabías, esti rincón da Serra de Gata nu que se encontran Valverdi du Fresnu, As Ellas y Sa Martin de Trevellu, atesoiran entre sei patrimoniu, un cultural muy valiosu, a fala; unha lengua que ademáis ten suas variantis ben diferenciás entre cada un dus tres pueblus por u qu ese denominan valverdeñu o valverdeiru, lagarteiru y mañegu.

Tó visitanti que haya podíu recurrel estis pueblus habrá podíu aprecial de primeira man esti feitu y que fai de estis pueblus y sua genti, un factor mais de esi encantu genuinu que esti lugal ten pa ofrecel a curiosus y estudiosus da materia que desde ya us anus 80 ha despertau un interés crecenti.

Declarás de Ben de Interés Cultural (BIC), duranti siglus estas lenguas han seguíu usándusi nu val du Xálima, transmitíndusi de forma oral de padris a fillus, generación tras generación, hasta nosus dias y e agora, na actualidai que se empeza a querel dar forma escrita, algu que nunca antis había ocurriu, con esta lengua y porque a escritura da misma e unha boa forma de conservación ante amenazas comu a despoblación rural.

En Los Montejos Casa Rural & Spa, hemus queríu aportal nosu gran de area, y aproveital que ten lugal un eventu tan chamativu como e a I Jornada de estudio y difusión de A Fala, organizá por asociaciós de falantis destas lenguas comu son ‘A nosa fala‘ y ‘Lagartu verdi‘, presentamus nosa web con sua varianti de idioma en ‘valverdeñu’, que e a que se usa dondi se encontra a casa rural e iniciamus aquí unha labor na que invitamus desde ya a asociaciós y us propius falantis a milloral.

referencia sobre a-fala.